NepaliManch.com

र्चित सामाजिक सञ्जाल फेसबुकलाई विज्ञापन दिइरहेको अमेरिकाको तेस्रो ठूलो विज्ञापनदाता जेनेरल मोटर्सले अब फेसबुकलाई विज्ञापन नदिने भएको छ। कम्पनीले फेसबुकमार्फत गरिएको विज्ञापनबाट राम्रो प्रतिफल नआएको भन्दै यस्तो निर्णय गरेको जनाएको छ। श्रोतका अनुसार अब फेसबुकले विज्ञापनको दरमा करिब २५ प्रतिशतले बृद्धि गर्न लागेकोले पनि मोटर्सले विज्ञापन नदिने निर्णय गरेको बताएको छ। मोटर्सले भने फेसबुकमा विज्ञापन दिनुभन्दा पुराना अरु मिडियामा विज्ञापन दिदा आफूलाई राम्रो प्रतिफल आउन जनाएको छ।अमेरिकाको तेस्रो ठूलो विज्ञापनदाता मोटर्सले अब फेसबुकलाई विज्ञापन नदिने

कृष्ण तिवारी
सिड्नी (अष्ट्रेलिया) एनआरएन अष्ट्रेलियाद्धारा हालै स्थापना गरिएको सामाजिक कल्याण कोषको सहयोगार्थ ख्याती प्राप्त वाचन प्रविण पंण्डित

दिनबन्धु पोखरेलको प्रमुख आतिथ्यमा विश्व शान्ति श्रीमद्भागवत महापुराणको आयोजना गरिने भएको छ । अष्ट्रेलियामा वसोवास गरिरहेका

नेपाली समुदायमा आइपर्ने आपत–विपतमा आर्थिक सहयोग गर्ने हेतुले एनआरएन अष्ट्रेलिया तथा विश्व शान्ति महापुराण मूल आयोजक समितिको

पहलमा सो महापुराण गर्न लागिएको हो ।
एनआरएन अष्ट्रेलिया अध्यक्ष गणेश केसीका अनुसार महापुराण यहि अप्रिल १३ देखी १६ तारिकसम्म सिड्नी स्थित ग्रयान्भिलको सर्वियन मेमोरियल हलमा हुनेछ ।

सो महापुराणबाट झण्डैं १ लाख अष्ट्रेलियन डलर(करिब ९० लाख नेपाली रुपंैया) उठाउने लक्ष्य लिइएको छ । महापुराणको पूर्वाद्धमा अर्थ संकलनका लागि

अप्रिल १२ तरिकमा पंण्डित पोखरेलसँग नेपाली समुदायका प्रतिनिधी, व्यवसायी तथा सर्वसाधरणसँग शाकाहारी रात्रिभोजको आयोजना पनि गर्न लागिएको

अध्यक्ष केसीले बताएका छन् । अष्ट्रेलियामा नेपाली समुदायमा यति ठूलो धार्मिक महापुराण गर्न लागिएको यो पहिलो पटक हो ।
विश्वमा शान्तिको सन्देश दिन पनि यस किसिमको धार्मिक कार्यक्रम गर्न लागिएको एनआएन अष्ट्रेलिया सचिव महेन्द ओलीले प्रस्ट्याए ।

उनले भने –“शान्तिको अग्रदूतको रुपमा चिनिएको नेपाललाई अझ अष्ट्रेलियामा रहेका विभिन्न समुदायमा पनि धार्मिक सहिष्णुता देखाउन सो महापुराणले

थप टेवा पुग्नेछ । जसका लागि महापुराणका अवसरमा अष्ट्रेलियामा छरिएर रहेका क्रिश्ििचयन, वौद्ध, इश्लामिक तथा अन्य विभिन्न धर्मालम्वीहरुका

गुरुहरुलाई समेत आमन्त्रण गरि विश्व शान्तिको लागि धार्मिक सहिष्णुता आदानप्रदान गर्न आह्वान गरिनेछ ।”
तीन दिनसम्म चल्ने उक्त महापुराणमा अप्रिल १४ र १५ गते प्रवचन तथा धार्मिक भजन किर्तन र अप्रिल १६ तारिकमा महापुराण विर्सजन हुनेछ ।
साथै भविष्यमा आइपर्ने आपत–विपतमा राहत तथा सहयोग वितरणका लागि नेपाली समुदायकी समाजसेवी इन्द्रा वनको संयोजकत्वमा व्यवस्थापन समिति

पनि गठन गरिएको छ । सो समितिले कस्तो प्रकृतिको आपत–विपतलाई कति रकम सहयोग गर्ने भन्ने निर्णय गर्ने जनाइएको छ ।
कार्यक्रममा अष्ट्रेलियाका फेडरल कम्यूनिटी मन्त्री, एनएसडब्लुका मन्त्री, सफल व्यवसायी शेष घलेलाई समेत प्रमुख अतिथीको रुपमा आमन्त्रण गरिएको छ ।

सो अवसरमा सक्दोरुपमा आर्थिक सहयोग गरिदिनुहुन पनि एनआएएन अष्ट्रेलियाले नेपाली समुदायमा प्रभुत्व कमाएका ख्यातिप्राप्त नेपाली, व्यवसायी तथा

सर्वसाधारण विद्यार्थीहरुलाई समेत आह्वान गरेको छ ।

नेपाल, नेपाली तथा नेपाली हिमाललाई माया गर्ने अष्ट्रेलियाली हिमाल आरोही लिंकन हलको यहि मार्च २० तारिकका दिन सिड्नीस्थित रोयल प्रिन्स अल्फेड अस्पतालमा निधन भएको छ । विश्वकैं ख्यातिप्राप्त आरोही हल सन् १८८४ मा अष्ट्रेलियन एभरेष्ट एक्पीडिसनका सदस्य समेत थिए । सगरमाथा आरोहणकै क्रममा सन् २००६ मा यिनी सगरमाथाको ८७०० मिटरमाथि टापुमा हिउँमा पुरिएर हराएका थिए ।
त्यसैवेला मिडियाले समेत लिंकनको सगरमाथा आरोहणको क्रममा मृत्युभएको खबर संसारभर फैलिएको थियो । तर २४ घण्टा वित्न नपाउदैं अर्को सगरमाथा टोलीले बाटोमा हिउँमा पुरिएको अवस्थामा फेलापारेको थियो । लगत्तैं उनलाई हिमाल आरोही शेर्पाको टोलीले उद्धार गरेको थियो । त्यसवेला मृत्युको मुखमा पुगिसकेका लिंकनलाई नेपाली शेर्पाहरुले नयाँ जीवन दिएका थिए । शेर्पाहरुले आफूलाई बचाएकोमा आरोही तथा लेखक समेत रहेका लिंकनले नेपाल र नेपाली
प्रति निकै खुसी प्रकट गरेका थिए ।
यीनले सन् १९८४ मा राजपरिवार भ्रमणका वेलामा नेपाल टेलिभजनमा प्रत्यक्ष अन्र्तवार्ता दिएका थिए । अष्ट्रेलियामा रहेका नेपाली अप्रवासीसँग समेत यिनको निकै घनिष्ठता थियो । नेपालमा आँखा रोगीको उपचारको लागि यहाँ आयोजित एक
संस्थाद्धारा रकम संकलन कार्यमा उनको सहभागी थिए जुन अहिले होलोउ फाउण्डेसनका नामले चिनिन्छ । त्यस्तैं सन् २००७ मा नेपाली दुतावास क्यानवेराको झण्डात्तोलन कार्यक्रममा समेत यिनलाई अतिथिको रुपमा निम्याइएको थियो । साथै हेल्प नेपाल नेटवर्क, एनआरएनको कार्यक्रममा समेत अतिथि बनेका थिए ।
पछिल्लो समयमा लिंकनलाई अष्ट्रेलियामा आयोजित नेपाल भ्रमण कार्यक्रममा प्रमुख अतिथिको रुपमा नित्याइए पनि स्वास्थ्य स्थितिका कारण सहभागी हुन सकेका थिएनन् । निकैं मिजासिला स्वाभावका लिंकनले नेपाल र नेपालीहरुलाई लगाएको गुण साच्चिनै प्रसंशायोग्य थियो ।
ब्लु माउन्टेनमा आफ्नी पत्नी र दुई छोराहरुसँग बस्दै आएका लिंकन ५६ वर्षका थिए । लिंकनप्रति नेपाल र अष्ट्रेलियामा रहेका नेपाली सामुदायका तर्फबाट नेपाली टाइम्स अष्ट्रेलिया श्रद्धाञ्जली व्यक्त गर्दछ ।

टोक्यो । नेपाली विद्यार्थी समाज जापान (नेसाज)ले आफ्नो स्थापना दिवसको सन्दर्भ पारेर यहि मार्च ३ तारिक शनिवार नागोयामा आफ्नो वार्षिक कार्यक्रम अन्तर्गत रहेको नेसाज डे यस वर्ष पनि भव्यता पुर्वक सम्पन्न गरेको छ । कार्यक्रम गैर आवासिय नेपाली संघ अन्तराष्ट्रिय समन्वय समितिका प्रमुख संरक्षक देवमान हिराचनको प्रमुख आतिथ्यमा भएको थियो ।

हरेक वर्ष नेपाली कला ,संस्कृतिका साथै नेपाली पर्यटन प्रवर्धनमा टेवा पुग्ने खालका कार्यक्रमहरु प्रस्तुत गर्दै आएको नेसाजले यस बर्ष पनि नेपाली परम्परागत नृत्य, नेपाली भेषभुषाहरुका साथै लुम्बिनी भ्रमण बर्षको बारेमा जानकारी दिदै कार्यक्रम सम्पन्न गरेको छ । पानसमा दिप प्रज्ज्वलित गर्दै प्रारम्भ भएको कार्यक्रममा नेपाल र जापानको राष्ट्रिय गान को प्रस्तुत गरिएको थियो ।

कार्यक्रममा नागोया रोटरी मिराइ क्लबका अध्यक्ष फुरुहासीले रोटरी क्लव र यसले प्रदान विद्यार्थीहरुलाइ प्रदान गर्दै आएको छात्रवृतिको बारेमा जानकारी गराउनु भएको थियो भने नेसाजका सचिव कृष्ण भेटवालले नेसाजको विभिन्न गतिविधिको बारेमा जानकारी गराउनु भएको थियो । कार्यक्रममा प्रमुख अतिथि देवमान हिराचन र नेसाजका निवर्तमान अध्यक्ष सरोज कंडेलले कार्यक्रम सफलताको शुभकामना मन्तब्य राख्नुभएको थियो ।

अनौपचारिक रुपमा शुरु भएको दोश्रो चरणको कार्यक्रम साँस्कृतिक र सांगीतिकमय भएको थियो । कलाकार मन बहादुर थापाको बाँसुरी र सारंगीको सुमधुर धुनमात्र नभई जापानी कलाकार मासाकी र एमको प्रस्तुतिले हललाइ गुन्जायमान बनाएको थियो । नेपालका विभिन्न परम्परागत नृत्यहरु देखाउन खप्पिस कलाकार नरेश महर्जनको याक नाच,लाखे नाच कार्यक्रमको अर्को आकर्षकको रुपमा रहेको थियो । नेपालका विभिन्न जातजाति र क्षेत्रका भेषभुषालाइ नेपाली कल्चरल फेशन शो को रुपमा प्रस्तुत गर्दा कार्यक्रममा उपस्थित जापानी दर्शकहरु चाख पुर्वक हेरिरहेका देखिन्थे र उनीहरु भन्दै थिए, ‘आजको कार्यक्रममा आएर नेपालको धेरै कुराको जानकारी लिन पाइयो यसैले धेरै खुशी छौ ।’ कल्चरल फेशन शो को संयोजन जीवक बज्रचार्य र बिनु बज्राचार्यले गर्नु भएको थियो ।

कार्यक्रममा नेसाजका कार्यसमिति सदस्य पुस्करजंग थापाले स्वागत मन्तब्य राख्नु भएको थियो भने कार्यक्रमका आयोजक समितिका संयोजक एबम नेसाजका सह सचिव कुमार डल्लाकोटीले कार्यक्रमलाई सफल बनाउन आर्थिकरुपमा सहयोग गर्नुहुने, कार्यक्रमको शोभा बढाउन कार्यक्रममा पाल्नुहुने र कार्यक्रमलाई प्रचारप्रसार गरि सहयोग गर्नुहुने सबैलाई धन्यवाद ब्यक्त गर्दै आफ्नो धन्यवाद मन्तब्य राख्नु भएको थियो । कार्यक्रमलाइ सुरुका दिन देखिनै सफल बनाउन सहयोग गर्नु हुने पारसमणि पोखरेललार्इ नेसाजका अध्यक्ष बिमल अधिकारीले मायाको चिनो प्रदान गर्नु भएको थियो । कार्यक्रम नेसाजका सचिव कृष्ण भेटुवाल र कार्यक्रम आयोजक समितिका सदस्य सचिव एबम नेसाज कोषाध्यक्ष सन्देश पोखरेलले संचालन गर्नु भएको थियो ।

नेसाजका अध्यक्ष बिमल अधिकारीको सभापतित्वमा सम्पन्न औपचारिक कार्यक्रममा एन आर एन आइ सी सी सदस्य द्वय रोविन्द श्रेष्ठ (गोबिन्द) र डा. सुदिप अधिकारी ,नेसाजका निवर्तमान अध्यक्ष एबम एन आर एन जापानका सचिव सरोज कंडेल, एन आर एन जापानका उपाध्यक्ष डिलाराम खरेल, नागोया रोटरी मिराई क्लवका अध्यक्ष फुरुहासी, नेपाल इन्जिनियर्स एशोशिएशन् जापानका सचिव डा. मधुसुधन कायस्थ ,एन आर एन जापान तोकाई होकुरिकुका कार्यबाहक अध्यक्ष बिष्णु प्रसाद घिमिरे, एन आर एन जापानका सल्लाहकार पारसमणि पोखरेल, एन डी एफ नागोया कमिटिका अध्यक्ष सुमन पौडेल , नेपाली जनप्रगतिशील मोर्चा नागोयाका सचिव संजिव खनाल ,जन सम्पर्क समिति तोकाई होकुरिकुका सभापति चोलेन्द्र अधिकारीका साथै अन्तराष्ट्रिय सहित्य समाज जापान, अन्तराष्ट्रिय नेपाली समाज जापान लगाएत विभिन्न संघ सस्थाका प्रतिनिधिहरुको उपस्थित रहेको थियो ।

अप्रवासी नेपाली डा. दुर्गादत्त कंडेललाई अष्ट्रेलियन सम्मान

कृष्ण तिवारी

 सिड्नी (अष्ट्रेलिया), फाल्गुन १६ – अष्ट्रेलियन फेडलर सरकार अन्तर्गत मरे डार्लिङ बेसिन अथोरिटीको जलस्रोत तथा नदी व्यवस्थापनमा जलविज्ञान विज्ञका रूपमा कार्यरत अप्रवासी नेपाली डा. दुर्गादत्त कंडेललाई अष्ट्रेलियन सरकारले “सिग्नीफिकेन्ट अचिभमेन्ट २०१२” बाट सम्मानित गरेको छ ।

अष्ट्रेलियाका २५ औं प्रधानमन्त्री जोन होवार्टका पालामा त्यस क्षेत्रका किसानहरूले जलस्रोतको प्रकृतिले धान्ने भन्दा बढी पानी उपभोग गरेकाले खोलामा पानीको मात्रा सुक्दै गएपछि वातावरणीय क्षेत्रमा समेत प्रतिकूल असर परेकाले चिन्ता व्यक्त गरिएको थियो । होर्वाडकैं पालामा अष्ट्रेलियामा पानी ऐन-२००७ ल्याएपछि वातावरणीय स्वास्थ्य खस्किँदै गएको खोलामा पानीको मात्रा कसरी बढाउन सकिन्छ भन्ने योजना तर्जुमा गर्ने कार्यमा डा. कंडेलको अध्ययनले सहयोग पुर्‍याएको थियो ।

कुन राज्यमा वर्षभरि कति मात्रामा पानी प्रयोग गर्न पाउँछन् भन्ने लेखाजोखा र पानीको न्यायोचित तथा वैज्ञानिक वितरण पनि यही निकायले गर्ने गर्दछ ।

ईकान्तिपुरसँगको कुराकानीमा कंडेल भन्छन्- “मेरो काम आकासको पानी ड्याममा कति पुग्छ, कति उडेर जान्छ, एउटा विन्दुबाट अर्को विन्दुसम्म आइपुग्दा नदीमा कति मिसिन्छ, ड्याममा कति पानी बाँकी छ, भनी मिहिन अध्यययन निकाल्नु हो ।”

साथै बाँकी रहेको पानी वर्षमा कति पानी थपिने अनुमान छ, नदीमा पानीको वाहव बढेको छ वा घटेको छ, यी सबैको सुक्ष्म अध्ययन पश्चात मात्र वर्षभरिको पानी उपभोगको योजना बनाइन्छ । जसका आधारमा कुन राज्यले  र राज्य मार्फत त्यस क्षेत्रका बासिन्दाले वर्षमा कतिसम्म पानी प्रयोग गर्न पाउँछन् भन्ने तथ्याङ्क निकालिन्छ । उनका अनुसार यी सबै कार्य जलविज्ञान सम्बन्धी कम्प्युटर मोडलिङको आधारमा निकालिन्छ ।

सो सम्मानबाट आफूलाई यस क्षेत्रमा अझैं बढी काम गर्ने हौसला मिलेको कंडेल बताउँछन् । अष्ट्रेलियन फेडलर सरकार अन्तर्गत यस विधाको सो उच्चपदमा कार्यरत उनी एक मात्र अप्रवासी नेपाली हुन् । साथै उनको यो उच्च सम्मानले नेपाली समुदायमा खुसियाली छाएको छ ।

मरे डालिङ बेसिनले क्विन्सल्याण्ड, न्यू साउथ वेल्स, अष्ट्रेलियन क्यापिटल टेरिटोरी, भिक्टोरिया र साउथ अष्ट्रेलियागरि चार राज्य तथा एक क्षेत्रको भूभागलाई समेटेको छ । सो बेसिनको लम्वाई करिब एक मिलियन वर्ग किलोमिटर अर्थात १४ प्रतिशत अष्ट्रेलियन भूभागसम्म फैलिएको छ । मरे डार्लिङ बेसिनको पानी किसानले प्रयोग गरी अष्ट्रेलियाको कृषि उत्पादनको झण्डैं एक  तिहाई हिस्सा  ओगटेका छन् ।

नेपालको बागलुङ जिल्लामा जन्मेका कंडेलको परिवार उनी तीन वर्षको हुँदा चितवन सरेको थियो । चितवनकैं प्रेमबस्ती माविबाट २०३९ सालमा प्रथम श्रेणीमा प्रवेशिका पास गरेका उनी अध्ययनमा निकै अब्बल मानिन्थ्ये । आइएस्सी अमृत साइन्स क्याम्पसबाट सकी यूएसएआइडीको छात्रवृत्तिमा एक्ग्रिकल्चर इन्जिनियरिङमा ब्याचलर्स डिग्री गर्न भारत गए । सन् १९९२ मा सो अध्ययन सकेपछि उनी चितवनको रामपुर कृषि क्याम्पसमा करिब साढे दुई वर्ष माटो तथा  पानी संरक्षण र सिंचाइ सम्बन्धि विषयमा अध्यापन पनि गराए ।

सन् १९९४ को अन्त्यतिर लोकसेवा आयोगमा नाम निकालेपछि बबरमहलस्थित माटो तथा पानी संरक्षण विभागमा अधिकृत पदमा साढे चार वर्ष काम गरे । करिब चार महिना इजरायलमा ‘डि्रप एण्ड स्प्रिङकल’ विषयमा अध्ययन गर्न पुगेका कंडेलले नेपालको जागिरे अवधिमा इसिमोडमा समेत काम गरेका थिए । सो अवधिमा नेपालमा पाल्पा, डोटी, काभ्रे, दोलखा लगायतका गाउँमा समेत आफ्नो शिप प्रयोग गर्न गरे ।

सन् १९९९ मा आफ्नैं व्यक्तिगत प्रयासबाट विश्व बैकको छात्रवृत्तिमा मेलवर्न विश्वविद्यालयमा मास्टर्स अफ इन्जिनियरिङ गर्न अष्ट्रेलिया आइपुगे । लगत्तैं त्यही अध्ययनलाई निरन्तरता दिँदै मेलवर्न विश्वविद्यालय र अष्ट्रेलियन सरकारको छात्रवृतिमा सन् २००३ मा जलविज्ञान तथा जलस्रोत व्यवस्थापनमा पिएचडी हासिल गरे ।

आफ्नो पिएचडी सके लगत्तैं सोही विश्वविद्यालयमा रिसर्च फेलोको रूपमा झण्डैं दुई वर्ष काम गरेपछि सन् २००५ देखि उनी मरे डार्लिङ बेसिन अथोरिटीमा जलविज्ञान विज्ञका रुपमा कार्यरत छन् । From ekantipur.com

कृष्ण तिवारी

अष्ट्रेलिया, माघ १८ । नेपाली कलाकार सरिता डंगोलको एकल चित्रकला प्रर्दशनी अष्टे्रलियाको सिड्नीमा गरिएको छ । “भ्वाइस अफ नेचर सेकेण्ड” नाम दिइएको उक्त प्रर्दशनी न्यू साउथ वेल्सका महावाणिज्य दूत दिपक खड्काको प्रमुख आतिथ्यमा हिजो एक औपचारिक कार्यक्रमबिच २-ड्याङ्क स्टिट वाटरलूमा अवस्थित “द डिपोट ग्यालरी” मा प्रर्दशन गरिएको छ । नेपाली कलाकारद्धारा अष्टे्रलियामा गरिएको एकल चित्रकला प्रर्दशनी पहिलो हो । डंगोलका करिब ५० वटा तेल तथा आर्किलिक पेन्टिङ्गहरु सो ग्यालरीमा राखिएको छ । महावाणिज्य दूत दिपक खड्काले डंगोलको नेपाली कला संस्कृति झल्काउने चित्रकलाले आफूलाई नेपाली पहाडी भू-भागको भ्रमण गरेको स्मरण गरे । उनले अगाडि भने -आज मलाई नेपाल घुमेजस्तै लागेको छ ।

उक्त कार्यक्रममा जनजाति मञ्च अष्ट्रेलियाका अध्यक्ष गणेश तामाङ लगायत नेपाली समुदायका विभिन्न संघ संस्थाका प्रतिनिधि तथा स्थानीय नेपाली लगायत विदेशीहरुको पनि वाक्लो उपस्थिति थियो । More »

शिक्षाको पारिलो घाम ताप्न तुइनको कठोर संघर्ष गर्ने यी बहिनीहरुलाई सम्मान अनि सलाम…………….